Læringsmål

Studenten skal kunne gjere greie for musikken sin funksjon og samfunnsmessige betydning i ulike historiske periodar. Studenten skal ha kjennskap til politikk og organisering innan det norske musikkfeltet, samt demonstrere praktisk innsikt i musikkformidling/administrasjon.

Innhold

Musikk som sosialt og estetisk fenomen:
Denne delen tar opp emne innan musikkestetikk, musikksosiologi, musikkpsykologi og musikkhistorie.
Musikken sin funksjon og sosiale kontekst i samtida og i dag
Ulike måtar å oppleve og bruke musikk
Vesterlandsk kunstmusikk med vekt på norsk musikkhistorie
Folkemusikk,
Opera
Filmmusikk
Musikkformidling/administrasjon:
Musikkformidling/administrasjon vil drøfte omgrepet formidling og gje eit oversyn over ulike måtar å formidle musikk på.
Konsertarrangering
Formidling gjennom pressa
Offentlege musikkinstitusjonar og -organisasjonar, musikkfestivalar
Offentlege styringsdokument

Organisering

Forelesingar og seminar over to semester, fagturar, framleggingar av skriftleg arbeid for godkjenning og munnlege øvingar.
Det er krav om 80% deltaking på timeplanlagde seminar/prosjekt. Ved meir enn 20% fråver vert det halde ei munnleg prøve i pensum. Obligatorisk deltaking på alle felles fagturar for heile årskullet. Ved manglande deltaking må studenten skrive ein rapport som tek føre seg det faglege innhaldet for turen. Det er ikkje eit krav at studentane skal vere til stades ved all undervisning. Ein rår likevel til at undervisninga blir følgt regelfast.

Vurderingsformer

Obligatorisk skriftleg oppgåve som tel 40 % av samla karakter. Skriftleg individuell 5-timars eksamen som tel 60 %. Graderte karakterar. Både oppgåve og slutteksamen må vere bestått for å få bestått karakter i emnet.

Det tas forbehold om mindre justeringer i planen.