Læringsmål

Emnet skal gi breiare og djupare innsikt i det økologiske grunnlaget for naturforvaltning og naturvern. Studentane skal kunne forstå og evaluere det faglege grunnlaget for (område)vern og val av ulike strategiar for forvaltning av område og artar.

Innhold

Utvalde delar av økologisk teori og praksis med spesiell relevans for ulike naturforvaltningsstrategiar vert gjennomgått. Undervisninga vil i stor grad vere problembasert. Sentrale tema er:

• bevaringsbiologi og biodiversitet, evolusjonær økologi og biodiversitet gjennom tid, fordeling av biodiversitet i dag, truslar mot biodiversitet, biodiversitetsindeksar.
• bevaring av populasjonar, demografi og genetikk.
• bevaring av arter omhandlar sjeldsyn, tilbakegang, reetablering og samspel mellom adferd og artsbevaring.
• bevaring av system omhandlar tema som landskapsøkologi, reservatgeometri, utval og forvaltning av verneområd, kulturlandskap, klassisk naturvern, akutte problem, lovgjeving, internasjonalt arbeid.

Organisering

36 t forelesingar.
Obligatorisk: 5 t seminar, gruppearbeid og 5 dagar utferd.

Gruppearbeid og seminar vil vere orientert mest mot klassiske naturvernoppgåver. Det blir fokusert på lovverk, vern av område og artar, og spesielt på aktuell forvaltning og skjøtsel av verneområde, også på privat grunn. Det er forventa stor eigenaktivitet frå studentane si side i seminara. Gruppearbeidet og prosjektoppgåvene skal framførast i plenum.

Vurderingsformer

Det blir gitt karakterar på tre delprøver: prosjektoppgåva tel 30%, midtvegsprøve (fleirvalsprøve) tel 20% og ei sluttprøve (4 timar) tel 50 % av endeleg eksamenskarakter. For å kunne gå opp til sluttprøva må dei to gruppearbeida vere bestått. Alle tre delprøvene må vere bestått.

Det tas forbehold om mindre justeringer i planen.