Læringsmål

Studentane skal få ei innføring i evolusjon og systematikk og kjennskap til vanlege plante- og dyregrupper. Vidare skal dei få ei innsikt i det dynamiske samspelet mellom plante- og dyrearter og dei økologiske tilhøva i naturen. Det blir lagt vekt på forståing av stoffomsetjing, autøkologi, og kjennskap til hovudtrekka i norske økosystem.
Studentane skal få ei innføring i forskningsteoretiske prinsipp, teamsamarbeid, litteratursøking, vitskapeleg skriftleg framstilling og formidling.

Innhold

Sentrale tema om hausten:
· Evolusjon: Darwin, naturleg seleksjon, genetisk drift, Hardy-Weinbergs lov, artsdanning, fylogeni, systematikk.
· Mikroorganismer, planter, eincella dyr, virvellause dyr: Generasjonsveksling, livssyklusar, morfologi, vekst, struktur, reproduksjon, systematikk.

Sentrale tema om våren:
· Virveldyr: morfologi, vekst, struktur, reproduksjon, systematikk.
· Generell økologi, atferdsøkologi, populasjonsøkologi, samfunnsøkologi
· Gjennomgang av norske økosystem: skog, myr, hav, kulturlandskap, innsjøar, kulturmark, rennande vatn.
· Naturvitskapeleg metode: forskning, vitenskapsteori, kvantitative og kvalitative metodar generelt, prosjektsamarbeid i team, litteratursøking (faglitteratur, internett, databasar), vitskapelige rapporter, skriftleg og munnleg framstilling.

Organisering

80 timar forelesing. 12 timar seminar inkl. presentasjon av semesteroppgåve.
Obligatorisk: 60 timar laboratoriekurs (gjennomgang av vanlege artar) i Norge (100 planteartar og 200 dyreartar).
Det blir 10 laboratorieøvingar i botanikk om hausten, og 10 zoologiøvingar om våren. Det blir gjennomført to individuelle artsprøver (botanikk artsprøve i haustemesteret og zoologi artsprøve i vårsemesteret), der kunnskap om pensumartane blir prøvd, og der studentane får ha med seg godkjente hjelpemiddel.Det blir 3 dagar ekskursjon om hausten (kullturlandskap i Bø, kysttur til Mølen, sopptur i Bø) og ein dag om våren (skogstur til bevertjern og beversafari i Bøelva).
Naturvitskapeleg metode-delen inkl. semesteroppgåve utgjer 5 studiepoeng.
I vårsemesteret skal det leverast ei semesteroppgåve til vurdering, og den skal framførast munnleg, der alle studentar skal delta.

Vurderingsformer

Det blir gitt karakterar på fire delprøver: dei to artsprøvene tel til saman 20% (haust og vår), seminaroppgåve tel 20% (vår), to fleirvals oppgåver tel til saman 20% (haust og vår) og skriftleg sluttprøve (3 timar) tel 40% av endeleg eksamenskarakter (vår). Godkjent laboratoriekurs krev deltaking på minst 8 av 10 laboratorieøvingar (gjeld både botanikk og zoologi). Dette er eit krav for å få gå opp til artsprøvene. Ein må også delta på minst 4 av 5 ekskursjonar. Alle dei fire delprøvene må vere bestått for å få sluttkarakter i emnet.

Det tas forbehold om mindre justeringer i planen.