Læringsutbytte

Etter fullført emne skal studentane ha følgjande læringsutbytte i form av kunnskap, ferdigheiter og generell kompetanse:

• Kunne greie ut om jordas indre oppbygging og sentrale indre geologiske prosessar
• Kjenne til dei mest vanlege bergartsdannande minerala i Noreg
• Kunne greie ut om danninga av magmatiske, sedimentære og metamorfe bergartar og vise til eksempel frå kvar hovudgruppe
• Kjenne til jordas funksjonar og eigenskapar, og kunne greie ut om jordsmonndannande faktorar og prosessar
• Kunne greie ut om samanhengen mellom kulturutvikling og landskapsutvikling
• Kunne greie ut om hovudlinene ved forminga av landet vårt under og etter siste istid
• Kunne tolke bergrunnskart og kvartærgeologiske kart og sjølv vere i stand til å utføre enkel overflatekartlegging
• Kunne identifisere vanlege norske mineral og bergartar ved bruk av enkle etablerte metodar
• Kunne implementere kunnskapen om geologi og landskap i tverrfaglege samanhengar
• Bidra ved planlegging og gjennomføring av prosjekt som omfattar forståing og forvaltning av geologi og landskap

Innhold

Emnet er tverrfagleg i skjeringspunktet geologi, landskap og kultur. Sentrale tema er:

• Berggrunnsgeologi: Mineral og bergartar, indre og ytre geologiske prosessar og Noregs geologiske historie.
• Kvartærgeologi: Forminga av landet under og etter siste istid, ulike lausmassars eigenskapar, stratigrafi, dateringsmetodar og kvartær historie.

• Jord og jordsmonn: Jordas funksjonar og eigenskapar, jordsmonndannande faktorar og prosessar.
• Kulturlandskap: Kulturutvikling og landskapsendringar.
• Kart: Tolking og bruk av topografiske kart og temakart.

Arbeids- og læringsformer

I tillegg til forelesingar belysast sentrale tema gjennom praktiske øvingar (obligatorisk) og eit fem dagars feltkurs (obligatorisk). Naturvitskapleg felt- og laboratoriemetodikk utgjer to studiepoeng. Det må påreknast feltkursutgifter på ca. kr 1000.

Vurderingsformer

Endelig eksamenskarakter (A-F) blir gitt utifrå ei praktisk midtprøve i gjenkjenning av mineral og bergartar (tel 20%) og ei skriftleg sluttprøve (4 timar, tel 80%). Begge prøver må vere bestått. Rapportar frå obligatoriske feltkurs og øvingar må også vere bestått for å få godkjent vurdering i emnet.

Det tas forbehold om mindre justeringer i planen.