Læringsutbytte

Studenten skal ha tileigna seg kunnskap om tradisjonell slakting, bearbeiding og foredling av kjøt

Studenten skal vere i stand til å vidareformidle kunnskap om tradisjonell slakting, bearbeiding og foredling av kjøt

Studenten skal reflektere kring bruk av tradisjonsmat på eit generelt grunnlag og kunne drøfte og grunngje bruken av tradisjonmat i eit utdanningsperspektiv.

Innhold

Mattradisjonar og matkultur fylgjer oss gjennom heile livet, og kunnskap om dei ulike matemna er ein del av vårt kvardagsliv og høgtidsmarkeringar. Sentralt i denne modulen står regionale og lokale mattradisjonar og det mangfaldet som tradisjonsmaten utgjer. Det vil bli utarbeida fleire modular på 5 stp inann temaet Tradisjonsmat for restaurant - og matfaget.

Kunnskap om lokale mattradisjonar må overførast til nye generasjonar som arbeider med mat, enten som produsentar, konsumentar eller i undervisningssamanheng. Denne modulen er difor først og fremst retta mot dei som underviser i restaurant- og matfaget i den vidaregåande skolen og dei som arbeider med lærlingar.

Hovudemne: Kjøt som råvare

I denne modulen vil det vere fokus på kjøt som råvare, frå slakting til ferdig nedskore, konservera og foredla råstoff. partering, lagring og oppbevaring av kjøt frå ulike dyr er elementær og viktig kunnskap for å nytte kjøtet på best mogleg måte. Ein vil fokusere på korleis konserveringa var i eldre tider og korleis den er i dag. Studentane skal reflektere rundt det fokuset vi har på bruk av lokale råvarer, tradisjonsmat og "kortreist mat" og vurdere fordelar og ulemper i høve til meir industrielt produserte råvarer.

• slakting
• partering av ulike dyr
• konservering - salting og røyking
• foredling - pølselaging, fermentering og møyrning
• kvalitet, smak, etikk

Arbeids- og læringsformer

Studiet er organisert i to samlingar á to dagar.

Omlag 70 % av undervisningstida vil vere demonstrasjon og praktisk arbeid med mat. Teoripensum vert i så stor grad som mogleg knytt til det praktiske arbeidet og elles presentert gjennom forelesing.

Mellom dei to samlingane må studenten arbeide sjølvstendig med pensum og heimeeksamen. Studenten skal velge eit tema frå dette emnet til eksamensoppgåva. Det vert både felles rettleiing i klassen og individuell rettleiing med eksamensoppgåva.

Vurderingsformer

Det er obligatorisk deltaking på studiet, dvs min. 80 % frammøte til dei to samlingane. For å få eksamen må studenten ha vore tilstades på den obligatoriske undervisninga og bestått heimeeksamen.

Heimeeksamen er eit skriftleg arbeid på omlag 10 sider der studentane skal velge seg eit område innafor innhaldet i studiet der dei skal dokumentere at dei har skaffa seg kunnskap om tradisjonell slakting, bearbeiding og foredling av kjøt , at dei kan reflektere kring bruk av tradisjonsmat og kunne drøfte og grunngje bruken av tradisjonmat i eit utdanningsperspektiv.

Karakter: Bestått / ikkje bestått

Det tas forbehold om mindre justeringer i planen.