Læringsutbytte

Emnet skal gje dette læringsutbyttet:

Kunnskap og forståing:

• Godt oversyn over hovudtrekka i verdshistoria før ca. 1750.

• Brei kunnskap om viktige historiske hendingar i perioden, og bakgrunnen for dei.

• Inngåande kjennskap til eit avgrensa tema i verdshistorie i tida før 1750

• Kjennskap til kjeldegrunnlag og relevant forskingslitteratur for temaet.

• Forståing av metodar som vert nytta innanfor ulike felt av historiefaget.

• Forståing av korleis historisk kunnskap vert oppbygd.

Dugleik ein skal oppnå:

• Å kunne kritisere, kommentere eller redigere tekstar og dokument etter historiefagets allmenne reglar for kritikk.

• Å kunne tolke og analysere historiske data, kjelder og litteratur, og å kunne trekkje sjølvstendige konklusjonar frå slikt materiale.

• Å kunne argumentere og å tenke analytisk.

• Å kunne reflektere over metodiske og teoretiske spørsmål

• Å kunne organisere kompleks historisk informasjon på logisk konsekvent vis.

• Å meistra verktøy for informasjon og søking.

Kompetanse:

• Formidle fagleg innhald både munnleg og skriftleg.

• Kunne arbeide sjølvstendig med ein gjeven problemstilling.

• Kunne sette seg inn i nye problemområde og analysere emne frå fleire sider.

• Ha medvit om og respekt for perspektiv som har ulike nasjonale og kulturelle opphav.

• Ha kritisk medvit om relasjonane mellom fortida og samtidige hendingar og prosessar

Innhold

Emnet inneheld to hovuddelar, ein oversynsdel som utgjer ca 2/3 av arbeidsmengda og ein spesialiseringsdel som utgjer ca. 1/3

Tyngdepunkt i oversynsdelen av emnet er

– Samfunn og politikk i Hellas i antikken

– Den politiske utviklinga (republikk og keisardøme) i Roma

– Det romerske verdsrikets vekst og fall

– Det bysantiske riket og framveksten av Islam

– Europa tek form, kristning, styreformer og nasjonar

– Samfunn, økonomi og kultur i mellomalderen

– Framveksten av sterke statsmakter og ein sterk, pavestyrt kyrkje

– Krisa i seinmellomalderen

– Den vestlege, kristne kyrkja vert splitta

– Krig og maktkamp i tidleg nytid

– Verdsmarknad og kulturmøte

– Fornyinga av kunstens, vitskap og politisk tenking

– Kampen for fridom i Vest-Europa og sigeren for dei autoritære kreftane i aust

Spesialiseringsdelen av emnet kan veksle mellom ulike enkelttema, til dømes:

– Det athenske demokratiet

– Samfunn og politikk i antikkens Roma

– Kyrkje og helgenkult i europeisk middelalder

– Den franske revolusjonen Klasse, stand, politisk kultur

Emnet er ein del av årsstudiet i historie (sjå eigen plan for dette).

Emnet er basert på forsking i og med at dei som undervis normalt er aktive forskarar. Kjeldemateriale frå læraren si forsking kan verta nytta som eksempel i forelesingar eller i øvingsoppgåver.

Emnet er ein del av årsstudiet i historie (se eigen plan for dette). Det er meininga at ein tek det saman med emnet 3542, på 15 studiepoeng. Dei fleste vil byrje med desse to emna i årsstudiet, men det er også mogleg å byrje årsstudiet om våren, med 30 studiepoeng i nyare historie (emna 3543 og 3544).

Arbeids- og læringsformer

Undervisinga består av forelesingar, lydfiler lagt ut på nettet, seminarform med oppgåveløysing, ekskursjonar, studentinnlegg og -oppgåver og individuell rettleiing. I forelesingane og lydfilene vert tyngdepunkta i emnet gjennomgått og forklart med sikte på, i kombinasjon med studentane si sjølvstendige lesing av pensum, å oppnå det læringsutbyttet som er nemnt ovanfor.

Attmed undervisinga vil studentane ha stor nytte av å samtale om pensum og studieproblem i kollokviegrupper, og lærestaden vil leggje til rette for å organisere slike grupper.

Vurderingsformer

Vurderinga er grunna på ei eller fleire undervegsprøver og ein skriftleg sluttprøve på 6 timar. Undervegsprøvene må vere bestått for at studenten skal kunne gå opp til sluttprøva. Til saman prøver ein både dei kritisk-analytiske dugleikene, kunnskapsmåla og formidlingskomponentane i studiet, jf. punktet om læringsutbytte over.

Ein gjer karakter etter ein femtrinns bokstavskala frå A til E for bestått og F for ikkje bestått. For undervegsprøvane nyttar ein normalt karakterane bestått og ikkje bestått.

Dersom undervegsprøver inngår i den endelege karakterfastsettinga, kan faglærar/sensor alltid kalle inn den einskilde student til ei supplerande munnleg prøve.

Vi tek atterhald om justeringar i planen.

Stikkord: e-læring, nettundervisning, nettstudium, digitale ressurser, heltid, deltid, fleksible studier

Krav ved digital eksamen:

• ​Eksamenskandidaten skal være på plass i eksamenslokalet med egen maskin klargjort for digital eksamen senest 30 minutter før eksamen starter. Dersom utstyret ikke er klargjort for digital eksamen senest 30 minutter før eksamen starter kan kandidaten miste retten til å gjennomføre eksamen. Det vil kun unntaksvis bli gitt anledning til å gjennomføre eksamen dersom kandidatens utstyr ikke oppfyller kravene til digital eksamen. Oversikt over kravene til digital eksamen finnes her: http://www.hit.no/Student/Eksamen-og-vitnemaal/Digital-eksamen

• Prøveeksamen i det digitale eksamensverktøyet er obligatorisk og må være levert for å kunne gå opp til eksamen. Prøveeksamen skal leveres på den maskinen eksamenskandidaten vil bruke på hovedeeksamen. Manglende innlevert prøveeksamen vil medføre at kandidaten blir meldt av eksamen i emnet.

Det tas forbehold om mindre justeringer i planen.