Læringsmål

Studenten skal kunne gjere greie for musikken sin funksjon og samfunnsmessige betydning både i samtida og i historisk perspektiv. Studenten skal utvikle kunnskap om musikkpolitikk og organisering av musikkfeltet, samt demonstrere praktisk innsikt i musikkformidling, med særleg vekt på konsertarrangering.

Innhold

Musikk og samfunn:
Denne delen tar opp emne innan musikkestetikk, musikksosiologi, musikkpsykologi og musikkhistorie:
Musikken sin funksjon og sosiale kontekst i både historisk perspektiv og samtidsperspektiv, med vekt på norsk folkemusikk og europeisk klassisk musikk
Bruk av musikk i ulike samanhengar
Musikk og identitet

Musikk og administrasjon:
Denne delen tar opp emne som konsertarrangering på faste og periodiske scener, musikk og politikk, formidling i pressa, samt korleis musikklivet er organisert:
Konsertarrangering ved faste og periodiske scener
Musikkritikk og -omtale i pressa
Offentlege musikkinstitusjonar og -organisasjonar
Offentlege styringsdokument
Støtteordningar for musikkfeltet

Organisering

Forelesingar og seminar over to semester, fagturar, framleggingar av skriftleg arbeid for godkjenning og munnlege øvingar.
Det er krav om 80% deltaking på timeplanlagde seminar/prosjekt. Ved meir enn 20% fråver vert det halde ei munnleg prøve i pensum. Obligatorisk deltaking på alle felles fagturar for heile årskullet. Ved manglande deltaking må studenten skrive ein rapport som tek føre seg det faglege innhaldet for turen. Det er ikkje eit krav at studentane skal vere til stades ved all undervisning. Ein rår likevel til at undervisninga blir følgt regelfast.

Vurderingsformer

Obligatorisk skriftleg oppgåve knytt til konsertarrangering, som tel 40 % av samla karakter. Skriftleg individuell 5-timars eksamen som tel 60 %. Graderte karakterar. Både oppgåve og slutteksamen må vere bestått for å få bestått karakter i emnet.

Det tas forbehold om mindre justeringer i planen.