Målgruppe og opptakskrav

Målgruppe er studentar med interesse både for tekniske sider ved IKT og for korleis IKT blir nytta i ulike organisasjonar. Opptakskrav er generell studiekompetanse eller realkompetanse.

Det er ønskeleg at studentane har kunnskapar i matematikk som svarar til 5 veketimar dei to første åra i den vidaregåande skolen.

Mål for studieprogrammet

Formålet med studiet er å gi kandidatar ei brei yrkesretta utdanning for administrative oppgåver knytt til informasjons- og kommunikasjonsteknologi.

Studiet gir kandidatar kunnskap om økonomi og administrasjon, i tillegg til kunnskap om informasjons- og kommunikasjonsteknologi (IKT). Kandidatar blir kvalifiserte for ei lang rekkje oppgåver innan næringsliv og offentleg sektor, til dømes innan prosjektleiing, drift av nettverk, opplæring og brukarstøtte, marknadsføring og sal.

Studieprogrammets innhold, oppbygging og sammensetning

Studiet er ei grunnutdanning med normert studietid på 3 år, og fører fram til graden Bachelor i informatikk og administrasjon.

Studiet er delt opp i emne som til vanleg går over eitt semester. Heile studiet er på 180 studiepoeng fordelt med 30 studiepoeng på kvart semester.

Valemne
I studieplanen er det sett opp forslag til valemne, men studentane kan velje valemne fritt innanfor høgskolens studieprogram, sjå og studieplanar for andre studium ved høgskolen. Timeplan og eksamensplan kan avgrense dette valet noko. I nokre samanhengar vil det vere viktig å passe på at ein vel rett valemne med tanke på opptak til andre studium.

Forholdet mellom teori/praksis

Arbeids- og undervisningsformene i studiet omfattar:
- Forelesingar
- Øvingar i dataloboratorium med rettleiing
- Eit større prosjektarbeid i grupper med rettleiing
- Mindre prosjektoppgåver integrert i ordinære kurs
- Sjølvstudium

Vurderingsformer

Kandidatanes kunnskapar innanfor alle emne i studiet skal evaluerast. Aktuelle evalueringsformer går fram av emneomtalene.

Det tas forbehold om mindre justeringer i planen.