Innledning

Målgruppe og opptakskrav

Studiet passar for studentar med interesse for arbeidsoppgåver med vern av naturområde, biologisk mangfald, berekraftig forvaltning av naturressursane og arealforvaltning og planlegging.
Opptakskrav er generell studiekompetanse/realkompetanse. I tillegg til generell studiekompetanse/realkompetanse er det frå hausten 2005 krav om 2MX eller 2MY eller 3MZ og i tillegg 3MX eller 3FY eller 3KJ eller 3BI eller kombinasjonen 2KJ+3BT eller 2BI+3BT. HiT godkjenner også 3NA.

Har du bare generell studiekompetanse, kan du først søkje på årsstudiet i natur og friluftsliv og derifrå få overgang til bachelorstudiet i naturforvaltning.

Mål for studieprogrammet

Studiet gir tverrfagleg utdanning innan natur-, helse og miljøvernfag. Ved sida av å formidle kunnskapar, skal studiet utvikle studentane si forståing av forholdet mellom levande organismar og miljøforholda med spesiell vekt på mennesket sin plass i naturen. Studiet skal leggje grunnlag for eit aktivt og realistisk samfunnsengasjement innan det aktuelle fagområdet og formidle ulike verdisyn i samband med dette. Ein lærer korleis ulike landskap og verneområde i Noreg skal handterast i samsvar med lovverket, og kva forhold t.d. planter, fisk og vilt må ha for at det skal bli ein god balanse i naturen. Studiet skal setje studentane i stand til å handtere verdilada og kontroversielle spørsmål knytt til bruk og forvaltning av naturressursar.

Videre studiemuligheter

Studiet gir grunnlag for opptak på 2- årig masterstudium i natur-, helse- og miljøvern.

Studieprogrammets innhold, oppbygging og sammensetning

Arbeids- og læringsformer

Studentane blir følgt opp under heile studieløpet med arbeids- og undervisningsformer som inkluderer felt- og laboratorieundervisning med rapportskriving, prosjekt, seminaroppgåver, gruppe- og seminarundervisning, forelesingar osv. Det er lagt vekt på praktiske prosjekt i læringsprosessen. Dei ulike arbeids- og undervisningsformene er omtalt i dei enkelte emneomtalane.

Gyldig fråvær (sjukemelding) inntil 20% frå ein obligatorisk del av eit emne vil bli akseptert. Ved fråvær større enn 20% vil ikkje studenten få godkjent denne delen av emnet. Studenten vil i så fall ikkje ha krav på fortrinnsrett til plass på felt/labkurset neste gongen det vert sett opp.

Forholdet mellom teori/praksis

Vurderingsformer

I dei fleste emna vil det vere både undervegs- og sluttvurdering.
I mange emne vil seminaroppgåver og liknande vere del av vurderinga. Aktuelle vurderingsformer går fram av emneomtalane.

Det tas forbehold om mindre justeringer i planen.