Læringsmål

Emne skal gjere studenten i stand til å identifisere særlege kjenneteikn ved modernitet og samtidsforståing med vekt på å identifisere og forstå nyare samtidskultur. Studenten skal kunne handtere omgrep som modernitet, post- og seinmodernitet, kulturell identitet og kulturelt mangfald. Vidare skal han/ho bli i stand til å reflektere sjølvstendig over nyare kulturelle endringar i retning av regionen og plassen si auka betydning, kultur som økonomisk faktor og auka vekt på oppleving og festivalisering av kulturlivet. Emnet byggjer på Kulturanalyse I.

Innhold

Emnet har ei generell innretting knyta til spørsmåla om kulturell og samfunnsmessig modernitet og post-/seinmodernitet. Særtrekka ved samtidskulturen og dei utfordringane som norsk kulturliv står overfor vil difor fungere som omdreiingspunkt for undervisninga som for aktuelle analysar. Sentrale tema er:

Organisering

Førelesingar, fagtur, seminar, skriftlege og munnlege øvingar knyta til førelesingar. Innom emne er det lagt opp til at studenten skal skrive kronikk som eksamen, studenten blir difor forventa aktivt og sjølvstendig å ta kontakt med aviser og tidskrift for publisering. Det blir undervist i kronikk som sjanger.

Obligatoriske aktivitetar (særskilde krav)

Det er knyta to obligatoriske seminar til emne. Begge seminara med tilknyting til det skriftlege arbeidet som studenten skal levere i slutten av semesteret. Det første seminaret tar form som ein temapresentasjon. Her skal studenten levere ein tekst/skisse der han/ho presenterer val av tema for kronikken. Denne skal faglærar godkjenne. På same seminar er det obligatorisk å vere opponent på ein av medstudentane sine tekstar/skisse. Neste seminar tar form som responsgrupper. Her skal studenten på førehand utveksle tekst/skisse til kronikk med dei andre studentane og faglærar. Arbeid i responsgrupper vil bli gått gjennom på førehand og som del av undervisninga. Tid for begge seminara og fristar for innlevering av tekstar vil bli kunngjort på Classfrontar. Her vil også andre medstudentar sine tekstar bli lagt ut.

Til kronikken som eksamensform er det krav om publisering. Kravet er ikkje absolutt. I dei tilfelle der kronikken ikkje blir antatt/publisert, skal den leggast fram som seminarinnlegg munnleg og med to opponentar. Seminaret vil vere ope for alle tilsette og studentar i fagmiljøet. Målet er å få til ein offentlig debatt.

Dokumentasjon på at kronikken er publisert og antatt, eventuelt at studenten er i forhandlingar med aktuell redaksjon må synast fram/sendast faglærar innan oppgitt frist kunngjort på Classfrontar.

Vurderingsformer

Eksamen vert arrangert i slutten av semesteret og består av eit skriftleg arbeid på omlag 1000 ord. Det skriftlege arbeidet er ein kronikk. Endeleg eksamen skjer etter at kronikker er publisert, eventuelt presentert på eit sluttseminar. Både obligatorisk deltaking i seminar og som opponent, samt i responsgrupper må vere bestått for å gå opp til eksamen. Eksamen består av ei endeleg vurdering av kronikken og obligatorisk deltaking. Karakteren: Bestått/Ikkje bestått.

Det tas forbehold om mindre justeringer i planen.