Innledning

Norsk 2 byggjer på Norsk 1, og teori og fagperspektiv er utvida ved at vi arbeider meir med dei historiske dimensjonane i faget og styrkjer tekst- og teoriforståinga. Fagplanen har to delar, ein fellesdel av språklege og litterære emne med vekt på litteraturformidling og på lese- og skrivekompetanse, og ein individuell del som består av eit større sjølvalt fordjupingsarbeid.

Målgruppe og opptakskrav

Opptakskrav: Norsk 1

Mål for studieprogrammet

I Norsk 2 vektlegg vi emne som er særleg relevant for ungdomssteget, men studiet vil gi godt grunnlag for arbeid på ulike steg.

Viktige målsetjingar er å:

· styrkje teorigrunnlaget for å kunne formidle litteratur

· utvikle didaktisk og analytisk kunnskap om tekstarbeid

· få kunnskap om korleis elevane kan utvikle føremålstenelege lese- og skrivestrategiar

· tileigne seg kunnskap om og skaffe seg praktisk erfaring med fagleg og fagdidaktisk bruk av IKT

Studieprogrammets innhold, oppbygging og sammensetning

Obligatorisk emne Emnekode Emnets navn S.poeng O/V *) Studiepoeng pr. semester   S1(H) S2(V) 30NORSK2 Norsk 2 30,00 O 15 15 Sum: 15 15 *) O - Obligatorisk emne, V - Valgbare emne

Norsk 2 er lagt over eit studieår og tel 30 studiepoeng..

Undervisninga vil skifte mellom førelesingar, seminar og gruppeaktivitet, skriveverkstad og studentframlegging av stoff. Opplegget føreset at ein er til stades på den timeplanlagde undervisninga.

Du får skolepraksis etter eigen praksisplan; rettleiinga i praksisperiodane har som før øvingslæraren hovudansvaret for.

Fellesdel

Fellesdelen skal i omfang utgjere om lag halvparten av den totale arbeidsmengda. Denne delen er ei teoretisk og didaktisk utdjuping av studiet frå Norsk 1. Norsk 2 er først og fremst eit tekststudium der vi har ei meir historisk tilnærming til stoffet enn på Norsk 1, samstundes som vi legg vekt på formidlingsaspektet og på korleis ein kan undervise om lesing og skriving. Studentane legg opp 12 litterære verk og om lag 1500 sider teori.

Faghistorie og tradisjonar i norskfaget

Emne

· den norskfaglege tradisjonen

· haldningar til norsk som skolefag, studiefag og forskingsfag

· læremiddelkunnskap

Eit utval tekstar som illustrerer tradisjonar og utvikling i faget som skolefag og forskingsfag.

Språkleg utvikling og variasjon

Sentralt teoristoff frå Norsk 1 blir ført vidare og utdjupa, og nytt stoff blir presentert.

Emne:

· språkhistorie

· språkleg variasjon

· stilistikk

· retorikk

Litteratur og litteraturformidling

Kurset legg vekt på både å utdjupe sjølve tekstlesinga med eit grundigare studium av sentrale verk og å gå nærare inn på litteraturpedagogiske spørsmål. Teoridelen skal gi grunnlag for å bli ein meir reflektert lesar og ein god formidlar av litteratur.

Emne:

· leseteoriar

· den litterære samtalen

· litterære sjangrar og tolkingsmetodar

· formidling av barne- og ungdomslitteratur

· formidling av den litterære kulturarven og allalderstekstar

· litteraturhistorie

Tekstane vil i noen grad vere tatt frå leseverk for grunnskolen. Litteraturutvalet i Norsk 1 og 2 skal til saman dekkje perioden frå norrøn tid til i dag, og tekstomfanget i Norsk 2 er 12 verk.

· Perioden norrøn tid fram til 1800: Eit utval prosa og lyrikk og eit Holberg- skodespel; til saman to verk

· 1800-talet: Eit Ibsen-drama, ein roman, eit utval noveller og dikt; til saman tre verk

· Perioden frå 1900 til i dag: Eit utval romanar (også barne og ungdomsromanar/-bøker), noveller, dikt og essay, og ei filmatisering av eit litterært verk; til saman sju verk

Utvikling av lese- og skrivekompetanse

Emne:

· teoriar om lesing og skriving ("den andre lese- og skriveopplæringa")

· analyse av elevtekstar frå ungdomssteget

· litteratur, identitet og danning

· bruk av IKT i norskfaget

· lesing og skriving når norsk er andrespråk

Individuell del

Den individuelle delen består av ei sjølvvalt prosjektoppgåve. Prosjektoppgåva skal ha eit spesifikt norskfagleg og/eller fagdidaktisk emne.

Arbeidet med prosjektoppgåva skal utgjere om lag halvparten av samla arbeidmengd.

Arbeids- og læringsformer

Førelesingar, seminar, gruppeaktivitet, skriveverkstad, studentframlegging av stoff, rettleiing og sjølvstudium.

Forholdet mellom teori/praksis

Studentar som tar faget som del av allmennlærarutdanninga, har skolepraksis iflg praksisplanen ved Efl. Studentar med godkjend lærarutdanningspraksis skriv ei fagdidaktisk oppgåve i skolepraksisperioden.

Vurderingsformer

Du vil møte to former for vurdering i norskstudiet - ei undervegsvurdering og ei sluttvurdering. Undervegsvurderinga kjem til uttrykk i form av ei tilbakemelding på ein refleksjonstekst. Sluttvurderinga kjem til uttrykk i form av ein endeleg karakter gitt på prosjektoppgåva og sluttprøva

Refleksjonstekst. På slutten av første semester skal du levere inn ein refleksjonstekst knytt til den prosjektoppgåva du skal skrive. Refleksjonsteksten blir vurdert til bestått/ikkje bestått. Du vil få nærare retningslinjer for teksten.

Prosjektoppgåve. Innan 1. mai skal du levere ei individuell prosjektoppgåve på om lag 20 sider med lineavstand 1,5 og skriftstorleik 12. I tillegg til den språklege utforminga legg vurderinga av denne vekt på klart formulert problemstilling og truverdig stoffbehandling. Du får rettleiing undervegs. Du må minst møte rettleiaren tre gonger, og du skal i desse møta kunne dokumentere progresjon i skriveprosessen. Prosjektoppgåva tel 40 % av sluttkarakter

Skriftleg sluttprøve. Målet med denne prøva er å måle dei norskfaglege kunnskapane og ferdigheitene dine som du har tileigna deg i studiet. Prøva vil bli organisert som ein vanleg eksamensdag på seks timar. Denne prøva tel 60% av sluttkarakteren.

Krav til målform i dei skriftlege arbeida. Prosjektoppgåva og refleksjonsteksten må vera på den målforma du ikkje nyttar på sluttprøva.

Du får ein gradert karakter på vitnemålet, gradert frå A til F der A er beste og E er dårlegaste ståkarakter. Kvart delemne må ha bestått karakter for at hovudemnet skal vere bestått.

Sjå elles føreskrifter om eksamen ved Høgskolen i Telemark.

Det tas forbehold om mindre justeringer i planen.