Læringsmål

Studenten skal utvikle handlingskompetanse og handlingsberedskap for arbeid i eit fleirkulturelt miljø.

Innhold

Det overordna fokus kan vere på problematisering av sentrale omgrep i fleirkulturell forståing, som identitesforvaltning og diskurs. Samfunnsprosessar blir belyst gjennom fokus på kollektiv vs. individ, stat, nasjon og samfunn, status, rolle og kjønn, habitus og kulturell kapital, modernitet, globalisering og etnisitet.

Framandfrykt og framandgjering blir drøfta opp mot dikotomisering, stereotypisering og fordommar, diskriminering og rasisme, makt og avmakt, konflikt og vold.

Diskursomgrepet blir drøfta opp mot konstruksjon av diskursive system og forståing av ”den andre,” kommunikasjon mot interkulturell kommunikasjon. Diskursive system blir drøfta opp mot kjønn, generasjon, makt og konflikt.

Organisering

Forelesningar og seminar, feltarbeid

Vurderingsformer

Obligatorisk individuell oppgåve midtvegs i semesteret som tell 40 % av sluttkarakteren. Slutteksamen på 5 timar som tel 60 % av samla karakter, der studentane kan bli prøvd i alle delar av pensum. Begge eksamenar må være bestått for å få bestått i emnet. Det blir gitt karakterar frå A til F, der E er lågaste ståkarakter.

Det tas forbehold om mindre justeringer i planen.