Læringsmål

Målet med kurset er å gje studenten eit kulturelt perspektiv på den spansktalande verda. Studentane skal tileigne seg analyse, kritikk og forståing av ulike kulturelle, sosiale og politiske fenomen i dei landa som er omfatta av det latinamerikanske og spanske fellesskapet. Likeeins vil dette emnet gje studenten innsikt og dugleik i spansk språk.

Innhold

Studiet tilbyr ei generell innleiing i latinamerikanske og spanske kulturelle tema, med spesiell vekt på samtidshistorie og den moderne litterære og politiske debatten i det iberoamerikanske kulturområdet. Studieemnet tar m.a. for seg emne som kultur, kulturell identitet, sosiale rørsler, nasjonale minoritetar, feminisme, regionale konfliktar, musikk og film.

Organisering

Studiet er sett saman av førelesingar og seminar, og det vil være obligatorisk deltaking i seminara. Studentane må rekne med stor eigeninnsats og aktiv deltaking i undervisninga. Undervisninga går føre seg på spansk.

10 veker (60 undervisningstimar), ei sjølvstudieveke og ei veke med to eksamenar (munnleg og skriftleg).

Førelesingar i kulturkunnskap, der sentrale pensumtekstar blir kommenterte. Førelesingar i språk, med tilknyting til øvingar i grammatikk og omsetting. Studentane må rekne med stor eigeninnsats og aktiv deltaking i undervisninga.

Vurderingsformer

Eksamenen er todelt:

1. Ei skriftleg oppgåve som tel 60 % av samla karakter, skuleeksamen eller heimeeksamen.

2. Ei munnleg prøve på opp til 30 minutt som tel 40 % av samla karakter. Prøva er for det fyrste ei samtale på spansk om eit emne som er gjennomgått, og for den andre høgtlesing frå og samtale om tekstar på spansk.

Det krevst greidd resultat i begge eksamenane for å oppnå greidd resultat i heile emnet. Det vil bli gjeve graderte karakterar frå A til F, der E er lågaste greidd resultat.

Det tas forbehold om mindre justeringer i planen.