Læringsutbytte

• Kunnskap om framveksten av kunstformidling som spesifikt fagfelt
• Kunnskap om teori og praksis i kunstformidlingen gjennom ulike utstillingsmedia og til ulike målgruppar
• Kunnskap om sentrale institusjonar, organisasjonar og offentlege styringsdokument relatert til kunstformidlingsfeltet i Noreg
• Forståing for sentrale utfordringar og dilemma mellom kunstformidling og ulike kontekstar
• Forståing for sentrale utfordringar og dilemma mellom kunstformidling og ulike målgruppar
• Utvikle kompetanse som arrangør og formidlar av kunstprosjekt/kunstutstillingar
• Kunne analysere og tolke kunst i utstillingen som kontekst
• Kunne gjere greie for kunstens funksjon og sosiale kontekst både historisk og i perspektiv knytta til samtida
• Evne til å formidle faglag innhald i kunstformidlinga både teoretisk og praktisk
• Evne til å kunne arbeide selvstendig med gitte eller sjølvvalde konsept knytta til utstillingar
• Evne til å analysere og drøfte formidling av kunst i ulike konsept knytta til utatillingar og på ulike arenaer

Læringsmål

Studenten skal kjenne til kunstformidlingens teori og praksis, utvikle ei forståing for den plass kunstformidlingen har i institusjonen kunst og kunne gjere greie for politikk og organisering på det norske kunstfeltet. Studenten skal kjenne til praktisk arrangering av utstillingar og øve opp evnen til å se, tolke og formidle visuell kunst, med særleg vekt på samtidskunst. I tillegg skal studenten øve opp evnen til kritisk analyse av praksis i kunstformidlinga.

Innhold

Kunst som sosialt fenomen: Kunstsosiologi, teori om praksis knytta til kunstformidlinga

Formidling av kunst på ulike arenaer: teori og politikk knytta til Utstillingar

Å se, oppleve og tolke kunst: Kunstteori med hovudvekt på samtidskunst. Å skrive og tale om kunst til ulike målgrupper

Kunst-Noreg i dag: Sentrale organisasjonar, styringsdokument og støtteordningar for kunstfeltet

Organisering

Forelesningar og seminar, fagturar, arrangering av kunstprosjekt/kunstutstillingar, framlegging av skriftleg arbeid og munnlege øvingar.

Obligatorisk deltaking på felles fagturar for heile kullet. Ved manglande frammøte må studenten skrive ein rapport som tar for seg det faglege innhaldet for turen.

Det er krav om 80% deltaking på timeplanlagde kunstprosjekt/kunstutstillingar. Ved manglande frammøte må studenten skrive ein rapport som tek føre seg det aktuelle emnet.

Vurderingsformer

Obligatorisk skriftleg prøve undervegs som tel 40% av samla karakter. Dette er ei heimeoppgåve. I tillegg skriftleg individuell 5-timers sluttprøve som tel 60%. Graderte karakterar frå A (best) til F (stryk) på prøvene. Studenten må ha ståkarakter på begge prøvene for å få karakter i emne. Studenten må i tillegg ha fått godkjend timeplanlagde kunstprosjekt/kunstutstillingar, eventuelt bestått munnleg prøve, og godkjend deltaking på alle obligatoriske fagturar for å få godkjend emnekarakter.

Det tas forbehold om mindre justeringer i planen.