Læringsutbytte

Etter fagdidaktikk i norsk skal kandidaten ha tileigna seg kunnskapar, dugleikar og generell kompetanse som konkretisert nedanfor. Kandidaten skal kunne

- forstå viktige delar av utviklinga av skulefaget norsk for å kunne setje praksisen sin som norsklærar i perspektiv

- lesa læreplanar kritisk og konstruktivt for å kunne reflektere over korleis desse kan overførast til undervisningssituasjonar

- utforske viktige aspekt ved norskfaget, som danning, identitet, kultur, haldningar og det fleirkulturelle

- bruke alle typar tekst i norskundervisninga

- leggje til rette for undervisning i og formidling av skjønnlitteratur og sakprosa, og litterære og språklege disiplinar

- leggje til rette for lese- og skrivedidaktiske aktivitetar

- leggje til rette for munnlege aktivitetar

- vurdere norskfaglege aktivitetar i samsvar med mål og krav

Innhold

Emnet legg vekt på desse sidene ved det norskdidaktiske feltet:

• eigenarten til faget som skulefag
• faghistorie
• samansette tekstar og norskfaget
• legitemering av faget som skulefag
• språkdidaktikk
• litteraturdidaktikk
• lese- og skriveopplæring

Arbeids- og læringsformer

Studiet vil bli organisert som førelesingar kombinert med seminaraktivitetar. Fronter vil bli nytta som eit medium for studieinformasjon og fagdidaktiske drøftingar. Frammøtet er obligatorisk der det er markert i semesterplanen.

Vurderingsformer

I løpet av emnestudiet skal du skrive ei individuell prosjektoppgåve på om lag 12 sider der utgangspunktet er ei norskdidaktisk problemstilling som må godkjennast av faglærar.Nærmare retningslinjer for oppgåva vil bli gitt i semesterplanen.I tillegg skal du opp til ein munnleg eksamen der du får spørsmål til prosjektoppgåva og spørsmål frå pensum. Prosjektoppgåva tel 60% og munnleg eksamen 40% av samla karakter. Ein føresetnad for å bli oppmeldt til endeleg eksamen er at du presenterer munnleg eit tenkt eller erfart undervisningsopplegg, etter nærmare retningslinjer.

Du får ein gradert karakter på vitnemålet, gradert frå A til F der A er beste og E er lågaste ståkarakter. Sjå elles i forskriftene om eksamen ved Høgskolen i Telemark.

15 studiepoeng påbygning

Kandidatar som tar 30 studiepoeng må i tillegg til 15 studiepoeng ta 15 studiepoeng påbygging ved å gjennomføre ein skriftleg eksamen på 6 timar med utgangspunkt i eit sjølvvalt pensum. Pensumet må godkjennast av faglærar og bør vera på om lag 750 sider Delkarakter på eksamen blir slått saman med endelig karakter frå norsk 15 studiepoeng til ein samla karakter. Du får ein gradert karakter på vitnemålet, gradert frå A til F der A er beste og E er lågaste ståkarakter. Kvart delemne må ha bestått karakter for at hovudemnet skal vere bestått. Sjå elles i forskriftene om eksamen ved Høgskolen i Telemark.

Det tas forbehold om mindre justeringer i planen.