Læringsutbytte

Studenten skal ved gjennomført studium ha følgjande læringsutbyte, definert i form av kunnskap, dugleikar og generell kompetanse:

Kunnskap: Etter fullført studium skal kandidaten ha

• kunnskap om valsystemet og partias nominasjonsprosessar,
• kunnskap om demokratiets idé og historiske bakgrunn i Noreg,
• kunnskap om kommunens ansvarsområde og reglar for saksbehandling,
• kunnskap om rammer og vilkår for kommuneøkonomi og planarbeid,
• kunnskap om sosiale medium sine roller i politikk og samfunn,
• kunnskap om pressas rolle i politikken og i samfunnet,
• kunnskap om politikerrolla i kommunal forvaltning,
• kunnskap om møteleiar og møtedeltakar sine roller i kommunestyremøte og møte i kommunale utval,
• kunnskap om praktisk retorikk og reglar for saklig argumentasjon,
• kunnskap om verdiar og etiske prinsipp som ligg til grunn for kommunal verksemd, saksbehandling og debatt,
• kunnskap om likestilling som idé og grunnlag for politisk rekruttering,

Dugleikar: Etter fullført studium skal kandidaten

• kunne sette seg inn i og bruke relevant kunnskap i kommunal saksbehandling,
• kunne initiere og presentere ei sak i kommunestyret,
• kunne argumentere sakleg og effektivt i debattar,
• kunne bruke sosiale medium og på andre måtar fremje politiske bodskap på ein effektiv og akseptabel måte,
• kunne kommunisere med journalistar på ein tydeleg og effektiv måte,
• kunne vurdere, ut frå lovbestemte reglar og etiske omsyn, akseptable verknader av politiske avgjerder andsynes aktuelle partar og interesser.

Kompetanse: Etter fullført studium skal kandidaten

• kunne ta betre stilling til heilskapen i politikken på ein sakleg måte,
• vere i stand til å kjenne att og handtere ulike samanhengar og prosesser i det politiske arbeidet på ein korrekt måte,
• lettare kunne gjennomskode uheldige dynamikkar mellom personar og grupperingar, og lettare løyse opp i slike situasjonar,
• kunne delta i leiing av politiske organisasjonar, utval og foreiningar,
• kunne fylle ein formidlande funksjon mellom private og friviljuge organisasjonar og lokale politiske styresmakter, medrekna offentleg forvaltning på det kommunale planet,
• kunne ta på seg sentrale verv i ulike organisasjonar.

Innhold

Studentane vil gjennom studiet få kjennskap til følgjande tema:

• Inn i politikken - ei innføring
• Politisk kunnskap
• Kommuneøkonomi og planarbeid
• Mediehandtering
• Politikaren i arbeid
• Møte- og diskusjonsskikk
• Argumentasjon og praktisk retorikk
• Etikk og moral i kommunepolitikken
• Politikk og likestilling, mangfald og tilgang

Arbeids- og læringsformer

• Førelesingar/undervisning: samlings- og nettbasert.
• Gruppearbeid i samlingar og på nett.
• Arbeid med skriftlege og munnlege oppgåver, individuelt og i grupper.
• Individuell rettleiing.

Vurderingsformer

• Undervegsvurdering: innleveringar skriftlig og på nett, munnlege presentasjonar på nett, midtprøve (skriftleg heimeeksamen ved avslutning av haustsemesteret). Graderte karakterar.
• Sluttvurdering: munnleg innlevering (lyd og bilete) og skriftleg heimeeksamen.

Det tas forbehold om mindre justeringer i planen.

Det tas forbehold om mindre justeringer i planen.