Practical English 2010
Læringsutbytte
Ved avslutta emne skal studenten
- kunne bruke engelsk på ein korrekt og idiomatisk måte, både skriftleg og munnleg
- vere i stand til å reflektere over samanhengen mellom språklege uttrykksformer og språkleg innhald, inkludert korleis konkrete grammatiske konstruksjonar og ordval påverkar bodskapen ein sender ut
- kunne bruke grammatikk for å forklare feil og korrigere og forbetre tekster
- ha god flyt og uttale og uttrykke seg presist munnleg
Innhold
Kurset tek for seg ulike aspekt ved engelsk språkbruk. Den skriftlege komponenten vil fokusere på mellom anna stilnivå, vokabular, riktig setningsoppbygging og dei vanlegaste grammatiske feila. Den munnlege komponenten vil dekke problematiske aspekt av studentane si uttale, i tillegg til presentasjonsdugleikar.
Arbeids- og læringsformer
Emnet har to undervisningstimar i veka. Det vert lagt opp til aktiv studentdeltaking og trening av praktiske dugleikar, både gjennom tekstanalyse, redigeringsøvingar og munnlege presentasjonar.
Vurderingsformer
Undervegsvurderinga i emnet vil vere ei munnleg prøve som tel 40% av den endelege karakteren. Avsluttande skriftleg eksamen tel 60%. Ein føresetnad for å få gå opp til eksamen i emnet er minst 75% oppmøte på undervisninga. Det vert gjeve karakterar på ein skala frå A til F, der E er dårlegaste beståttkarakter og F er stryk. Både undervegs- og sluttprøver må vere beståtte for å få bestått karakter i emnet.
Det tas forbehold om mindre justeringer i planen.
Publisert av / forfatter Peter Fjågesund <peter.fjagesundSPAMFILTER@hit.no>,Øystein Heggelund <oystein.heggelundSPAMFILTER@hit.no>,Islam Youssef <islam.youssefSPAMFILTER@hit.no>, sist oppdatert av Eline Flesjø - 01.07.2014