Læringsmål

Emnet skal gi studentane teoretisk forståing og god praktisk kjennskap til bruk og drifting av operativsystem, herunder Linux operativsystem. Studentane skal kjenne til, og forstå effekten av, ulike måtar å utforme maskinarkitektur, kommunikasjon, minnehandsaming, prosesshandtering, og systemkommandoar.

Innhold

Sentrale operativsystemomgrep som prosess, tråd, tidsdeling, fysisk og virtuelt minne, minnehandsaming, I/O, filsystem, prosesskommunikasjon, vranglås, multiprosessorsystem, distribuerte operativsystem, sikkerhet og operativsystemdesign. Installasjon, bruk og drifting av Linux operativsystem.

Organisering

6-8 timar forelesingar, øvingar og rettleiing pr veke i haustsemesteret.

Vurderingsformer

To 1-timars individuelle, skriftlege undervegsprøver og ei individuell, skriftleg 3 timars sluttprøve. Undervegsprøvene tel 40 % av samla karakter og sluttprøva tel 60 %. Det blir gitt obligatoriske oppgåver som skal vere godkjende før ein kan gå opp til sluttprøve. Alle delprøver må vere bestått.

Det tas forbehold om mindre justeringer i planen.