Læringsmål

Studentane skal få ei innføring i evolusjon og systematikk og kjennskap til vanlege plante- og dyregrupper. Vidare skal dei få ei innsikt i det dynamiske samspelet mellom plante- og dyrearter og dei økologiske tilhøva i naturen. Det blir lagt vekt på forståing av stoffomsetjing, autøkologi, og kjennskap til hovudtrekka i norske økosystem.
Studentane skal få ei innføring i forskningsteoretiske prinsipp, teamsamarbeid, litteratursøking, vitskapeleg skriftleg framstilling og formidling.

Innhold

Sentrale tema:

• Evolusjon: Darwin, naturleg seleksjon, genetisk drift, Hardy-Weinbergs lov, artsdanning, fylogeni, systematikk.
• Mikroorganismer, planter, encella dyr, virvellause dyr og virveldyr: Generasjonsveksling, livssyklusar, morfologi, vekst, struktur, reproduksjon, systematikk
• Generell økologi: biotiske faktorar, atferdbiologi, populasjons- og samfunnsøkologi, bevaringsbiologi.
• Gjennomgang av norske økosystem: skog, myr, hav, fjell, innsjøar, kulturmark.
• Naturvitskapeleg metode: forskningsteori, kvantitative og kvalitative metodar generelt, prosjektsamarbeid i team, litteratursøking (faglitteratur, internett, databaser), formidling, skriftleg og munnleg framstilling.

Organisering

88 timar forelesing. 16 timar seminar inkl. presentasjon av semesteroppgave.
Obligatorisk: 60 timar laboratoriekurs (gjennomgang av vanlege artar) i Noreg (100 planteartar og 200 dyreartar) og 2 dagar ekskursjon.
Naturvitskapeleg metode-delen inkl. semesteroppgåve utgjer 3 studiepoeng.
Midtvegs i semesteret skal det leverast ei semesteroppgåve til vurdering og den skal framførast munnleg, der alle studentar skal delta. Det vert gjennomført ei individuell artsprøve, der kunnskap om pensumartane blir prøvd og der studentane får ha med seg godkjente hjelpemidlar.

Vurderingsformer

Det blir gitt karakterar på fire delprøver: artsprøve tel 20%, seminaroppgåve tel 20%, to fleirvals oppgåver tel til saman 20% og skriftleg sluttprøve (3 timar) tel 40% av endeleg eksamenskarakter. Godkjent laboratoriekurs krev deltaking på minst 16 av 22 øvelser, og dette er eit krav for å få gå opp til artsprøva. Alle delprøver må vere bestått.

Det tas forbehold om mindre justeringer i planen.