Læringsmål

Studentane skal få ei innføring i jakt og fiske som ein viktig del av friluftslivsomgrepet. Dei skal bli kjent med friluftslivet si historie og samanhengen med tradisjonell jakt og fiske. Vidare skal studentane få innsikt og sjå samspelet mellom utøving av friluftsliv, jakt og fiske og moglege og aktuelle verknader på dei økologiske tilhøva i naturen. Det blir lagt vekt på ei praktisk innføring i viktige sider ved jakt og fiske som grunnlag for ei tilnærming til meir teoretisk forståing av korleis friluftsliv er betinga av og kan påverke naturen.

Innhold

Sentrale tema:
· Friluftslivshistorie: friluftslivet si utvikling i Norge med røter i tradisjonell utøving av jakt og fiske for naturalhushaldning, friluftslivsomgrepet i dag.
· Jakt: Historisk utvikling av jakt i Norge, naturleg produksjon, jaktutøving, målsetting og organisering av viltforvaltning, etiske sider ved jakt og fangst, innverknad av jakt på viltbestandar, jakta si framtid som friluftslivsaktivitet.
· Fiske: Fiskbare artar, produksjon, artskunnskap, utbreiing, kultivering, sportsfiske som friluftsliv.
· Jakt- og fiskeforvaltning: Lovgrunnlag, norsk eigedoms- og forvaltningsstruktur.
· Økologiske verknader: Uttak ved jakt og fiske, enkel populasjonsdynamikk, sårbar natur og verknader av ferdsel og forstyrring.

Organisering

50 timar forelesing.
Obligatorisk: Fem dagar med feltekskursjonar. Ein godtek inntil 20% gyldig fråver.

Vurderingsformer

Det blir gitt karakterar på ei skriftleg sluttprøve (4 timar). Ekskusjonar må være godkjente for å få godkjent vurdering i emnet.

Det tas forbehold om mindre justeringer i planen.