Læringsutbytte

Etter å ha studert emnet skal studentane kunne

• gjere greie for viktige trekk ved moderne norsk grammatikk, spesielt morfologi og syntaks
• gjere greie for viktige tema innanfor pragmatikk og tekstlingvistikk
• bruke kunnskapane til å analysere språkleg materiale, t.d. i grammatisk og tekstleg analyse
• sjå norsk språkstruktur frå eit andrespråksperspektiv og analysere mellomspråkstekstar
• drøfte ulike synsmåtar og analysemåtar i tilknytning til temaa i emnet
• trekkje linjer mellom dei ulike temaa i emnet
• skrive bokmål og nynorsk korrekt og godt

Innhold

Studiet skal gje kunnskap om norsk språkstruktur, lydlære, formlære og setningslære, og språket brukt som kommunikasjonsmiddel (pragmatikk/ språkbruksanalyse). Ein vil presentere ulike teoretiske innfallsvinklar og metodar i arbeidet med grammatisk analyse. Studenten skal og kunne vurdere tekstar av andrespråksbrukarar og vere medveten om ulike trekk frå mellomspråk.

Arbeids- og læringsformer

Annakvart vårsemester. To helgesamlingar à to dagar, nettforelesingar og nettsamtaler i grupper. To timar til ei fast tid kvar veke vil lærarane vere til stades i eit samtalerom på fronter. Det vil bli gitt oppgåver som blir gjennomgått i gruppesamtalene. Dessutan blir det jamleg lagt ut undervisningsstoff på fronter. Emnet går inn i bachelorgraden i språk og litteratur med fordjupning i norsk, og i årsstudiet i norsk. Emnet er obligatorisk for studentar som vil ha undervisningskompetanse i norsk i grunn- og vidaregåande skole.

Vurderingsformer

2 timars individuell heimeoppgåve i elementær språkkunnskap, som skal vere stått før kandidaten kan ta sluttprøva.

Individuell heimeoppgåve på ca. 4000 ord i pragmatikk og tekstanalyse, som tel 40 %.
5 timars sluttprøve, som tel 60 %.
Det krevst ståkarakter på både heimeoppgåva og sluttprøva. Begge skal skrivast på nynorsk.

Det tas forbehold om mindre justeringer i planen.