Læringsutbytte

Ved avslutta emne skal studenten

• ha kjennskap til grunnleggjande terminologi innan engelsk grammatikk
• kunne nytte terminologien på faktiske språklege døme
• nytte den teoretiske kunnskapen slik at studenten sin eigen skriftlege engelsk vert korrekt og idiomatisk
• kunne analysere engelsk språk på ord-, frase- og setningsnivå
• ha kjennskap til tilhøvet mellom ordstilling og informasjonsstruktur
• kjenne til dei vanlegaste grammatiske feila hjå norske elevar
• kjenne til hovudskilnadane mellom engelsk og norsk grammatikk

Innhold

Emnet vil gje ei generell innføring i det grammatiske formverket og korleis språket er bygd opp.

Arbeids- og læringsformer

Emnet blir undervist annakvart haustsemester. Det blir to samlingar à to dagar (saman med emnet Practical English 2010N), nettforelesingar og oppgåvesamtalar på nettet. Det blir jamleg lagt ut anna undervisningsstoff på Fronter, i hovudsak i form av oppgåver med løysingsforslag.

Vurderingsformer

Ved avsluttande skriftleg eller munnleg eksamen vert det gjeve karakter på ein skala frå A til F, der E er dårlegaste ståkarakter og F er stryk.

Ein føresetnad for godkjenning av emnet er innlevering av to skriftlege arbeid. Desse arbeida får ikkje karakter og tel ikkje med i karakteren i emnet, men må vere godkjende og vert rekna som ein del av arbeidskrava i emnet.

Det tas forbehold om mindre justeringer i planen.