Læringsutbytte

Ved avslutta emne skal studenten

• ha kjennskap til grunnleggjande terminologi innan engelsk fonetikk og fonologi, og kunne nytte denne terminologien på faktiske språklege døme
• kjenne dei enkelte språklydane i engelsk og deira artikulasjon, lære å bruke fonemisk transkripsjon, og gjere greie for hovudmønstra i engelsk trykk og intonasjon
• kunne identifisere dei viktigaste forskjellane mellom standard britisk og standard amerikansk uttale, og nokre andre variantar av engelsk rundt omkring i verda
• nytte samanlikningar mellom norsk og engelsk slik at studenten sin eigen munnlege engelsk har færre sjenerande innslag av norsk uttale og intonasjon

Innhold

Emnet vil gje ei innføring i språklydar (vokalar og konsonantar) og lydmønster (særleg stavingar, trykk, rytme og intonasjon) i moderne engelsk.

Arbeids- og læringsformer

Emnet blir undervist annakvart vårsemester. Det blir to helgesamlingar à tre dagar (saman med emnet American Literature and Culture 1600-1980 2008N), nettforelesingar og oppgåvesamtalar på nettet. Det blir jamleg lagt ut anna undervisningsstoff på Fronter, i hovudsak i form av støtteark, lydfiler og oppgåver med løysingsforslag.

Vurderingsformer

Ved avsluttande skriftleg eller munnleg eksamen vert det gjeve karakter på ein skala frå A til F, der E er dårlegaste ståkarakter og F er stryk.

Ein føresetnad for godkjenning av emnet er innlevering av to skriftlege arbeid. Desse arbeida får ikkje karakter og tel ikkje med i karakteren i emnet, men må vere godkjende og vert rekna som ein del av arbeidskrava i emnet.

Det tas forbehold om mindre justeringer i planen.