Læringsutbytte

Kunnskapar

Deltakarane skal etter avslutta kurs ha tileigna seg kunnskap om og innsikt i kulturteoriar, fakta, begrep, prinsipp og prosessar som blir omtala i litteraturen og i undervisninga i kurset. Dei skal kunne gjera greie for ulike teoriar på ein kritisk og sjølvstendig måte og kunne sjå både mulegheiter og begrensingar som ligg i ulike teoriar om kultur.

Ferdigheiter

Kurset skal gi deltakarane føresetnader og ferdigheiter til å kunne bruke kunnskapane til å formulere og løyse problem og oppgåver som dei vil møte i prosjekta sine, enten dei fokuserer på kulturforståing, kulturpolitikk, kulturproduksjon/estetisk praksis eller kulturdidaktikk. Ferdigheitene skal vera relevante både for vidare forsking og for anna yrkesutøving der analyse og kritisk tenking er vesentleg.

Generell kompetanse

Dei kunnskapane og ferdigheitene som deltakarane tileignar seg gjennom kurset, skal kunne brukast på sjølvsendig vis i ulike situasjonar der kunnskapar i kulturteori er relevante. Kurset skal gi dei kompetanse til å sjå kulturelle fenomen i ein større samanheng. Det skal dessutan gi ein generell kompetanse som bidrar til å styrke samarbeidsevne, toleranse, ansvarlegheit, evne til refleksjon og kritisk tenking i studiar og yrkesliv.

Innhold

Mål

Det overordna målet for kurset er at kursdeltakarane skal få ei grunnleggande innføring i kulturteoriar som er relevante for Phd-programmet i kulturstudiar. Dette PhD-programmet er tverrfagleg, og deltakarane i kurset skal lære seg kva det vil seia å arbeide på tvers av ulike faglege tilnærmingar og teoriar. Dei skal også lære seg å utnytte tverrfaglege tilnærmingar i sin forsking og bli bevisste de utfordringar ein møter når ein arbeider med kultur også i det praktiske yrkeslivet utanfor akademia.

Arbeids- og læringsformer

Undervisnings- og arbeidsformene omfattar førelesningar, seminar der deltakarane har innlegg, kommenterer andre sine innlegg og tar del i dei faglege diskusjonane, dessutan rettleiing frå fagpersonar som underviser i kurset.

Vurderingsformer

Kursdeltakarane skal etter avslutta kurs levere eit vitskapleg essay med utgangspunkt i kurslitteraturen, undervisninga og arbeidet som er gjennomført i kurset. Essayet skal ha eit omfang på om lag 5000 ord og skal ha eit vitskapleg apparat med referansar og litteraturliste.

Deltaking i kurset skal evaluerast som Godkjent (Approved) eller Ikkje godkjent (Not approved). Det vitskaplege essayet skal evaluerast som Bestått (Approved) eller Ikkje bestått (Not approved).Vitskapleg personale som har undervist på kurset, skal gjera denne evalueringa. Etter gjennomført og godkjent kurs får deltakarane eit kursbevis (diploma).

Det tas forbehold om mindre justeringer i planen.

Det tas forbehold om mindre justeringer i planen.