Læringsmål

Emnet inneheld ei innføring i skatteretten som inkluderar lovforståing, bruk av lover, bruk av rettskjelder, likningsforvaltningsrett, skattebetaling og skatteinnkreving. Det gir videre grundige fagkunnskapar om og god forståing av reglane om formues- og inntektsskattelegging, spesielt retta mot praktisk bruk av regelverket i og utanfor næringsverksemd. Hovudparten av emnet dreiar seg om skattelegging av næringsverksemd, mellom anna omstrukturering, verksemdsoverdraging og generasjonsskifte.

Emnet skal og gi god kunnskap i avgiftsrett, slik som meirverdiavgift, arbeidsgjevaravgift og arveavgift, med særleg vekt på bruk av reglane i praktiske situasjonar.

Innhold

Emnet omhandlar følgjande:

Del I (grunnprinsipp, personskattelegging, likningsforvaltning og liknande)
- Innføring i grunnprinsipp i skatteretten – blant anna dei forskjellige skattegrunnlaga
- Formues- og inntektsskattelegging utanfor næring (personskattelegging) – blant anna alminneleg inntekt, personinntekt og nettoformue
- Innføring i likningsforvaltningsrett, blant anna likningsbehandling, endring av likning, klageadgang, kompetansereglar og sanksjonar ovanfor skattytar
- Utfylling av likningspapir
- Innføring i betaling av skatt og innkrevjing av skatt, mellom anna forskottsstrekk i arbeidsinntekt, forskottsskatt og etterskottsskattepliktige
Del II (skatlegging av næring)
- Innføring i skattlegging av næring, med særleg vekt på forskjellar frå personskattelegging
- Alminneleg inntekt i næringsverksemd, med særlig vekt på tidfesting av inntekter og kostnader, mellom anna forskjellar til rekneskapslova sine reglar
- Særreglar knytt til aksjeselskap og aksjonærar – mellom anna utsett skattmodell, korreksjonsinntekt og fritaksmodel
- Særreglar knytt til deltakarlikna selskap
- Personinntekt i næring, mellom anna vilkår og berekning.
- Omstrukturering, overdraging av verksemd og generasjonsskifte, mellom anna skattefrie ordningar og samanlikning av forskjellige selskapsformer og alternative gjennomføringsformer, skattlegging av selskap og selskapsdeltakar
- Utfylling av likningspapir – blant anna avstemming av mellombelse forskjellar mellom finansrekneskap og skatterekneskap
Del III (avgiftsrett)
- Meirverdiavgiftssystemet – blant anna avgiftspliktas omfang (avgiftsområdet) og muligheit for frivillig avgiftsregistrering, avgiftsgrunnlaget og særskilte fritak for utgåande meirverdiavgift og særskilte avgrensingar i frådragsretten for inngåande meirverdiavgift
- Arbeidsgjevaravgift, med særleg vekt på behandling av naturalytingar og utgiftsgodtgjeringar
- Arveavgift – mellom anna avgiftspliktas omfang og arveavgiftsgrunnlaget, med særleg vekt på generasjonsskifte i næring

Organisering

Forelesningar i vår- og haustsemesteret. Gjennomgang av teoritema og lovtekstar. I tillegg er det gjennomgang av eksempel. Oppgåveløysing blir gjennomført i nokre forelesingar.

Vurderingsformer

Obligatoriske innleveringsoppgåver i første semester og andre semester. Oppgåvene i kvart semester må vere bestått før ein kan ta eksamen. Skriftleg individuell eksamen, 6 timar.

For å bli registrert revisor er karakterkravet i dette emnet C eller betre.

Det tas forbehold om mindre justeringer i planen.