Læringsmål

Emnet har tre hovudmål:
1) Formidle eit oversyn over dei viktigaste turiststraumane og dei viktigaste forklaringsmekanismane bak desse straumane.
2) Styrke kunnskapen om marknadsføring med hovudvekt på reiseliv.
3) Sørge for innsyn i korleis økonomistyringa skjer i reiselivet og korleis ulike samfunnsøkonomiske tilhøve har verknad for reiselivet.

Innhold

Emnet skal gjere studentane kjende med turiststraumane nasjonalt og internasjonalt. Dei skal og kjenne dei viktigaste motiva og grunngjevingane for turiststraumane, kunne forklare turiståtferd og analysere turistpotensialet/marknadspotensialet i eit område. Studentane skal få kjennskap til korleis verksemder og reisemål marknadsfører reiselivsprodukta, og kva distribusjons- og marknadsføringskanalar som blir nytta. Studentane skal gjerast kjende med økonomistyring i reiselivsverksemder og reiselivsorganisasjonar. Reiseliv og samfunnsøkonomi blir og drøfta.

Organisering

8-10 timar i veka i haustsemesteret. Undervisninga vil variere mellom tradisjonelle førelesingar, seminarprega undervisning, øvingsoppgåver, studentpresentasjonar og skriftlege rapporteringar/innleveringar.

Vurderingsformer

Mappeevaluering med to skriftlege semesteroppgåver (samla 30 % av karakteren), munnleg presentasjon (10 %) og ein avsluttande skriftleg eksamen på 5 timar (60 %). Alle delprøver må vere bestått.

Det tas forbehold om mindre justeringer i planen.