Læringsmål

Målet er at den enkelte student skal bli meir bevisst og få auka forståing for korleis våre fysiske omgjevnader blir forvalta i Noreg. Arealplanleggjingsaker har stor plass i media og i forvaltninga, og det er eit mål at studentane skal få auka interesse og kunnskap for å delta og engasjere seg i slike saker. Etter endt kurs skal studentane kjenne til korleis offentleg forvaltning er bygd opp generelt og korleis fysisk planlegging føregår i kommunane.

Innhold

Sentrale tema:

• Fysisk planlegging og lovgrunnlaget for dette.
• Historie og teori om samfunns- og arealplanlegging, metodar i planlegging, begrep og aktuelle problemstillingar.
• Praktiske og formelle sider ved kommunal planlegging og forvaltning med serleg vekt på arealplanlegging i medhald av plan- og bygningslova, forureiningslova og naturvernlova.
• Konkrete arealplanleggingssaker med innføring i plantyper og planprosessen etter plan- og bygningslova.
• Laboratorieøvingar i bruk av geografiske informasjonssystem (GIS) med eksempel på korleis dette kan nyttast i arealplanlegginga.

Organisering

40 timar forelesingar.
Obligatorisk: Prosjektoppgåve, GIS-øvingar 20 timar og ein dagsekskursjon.

Forelesingar, prosjektarbeid, ekskursjon og laboratorieøvingar. Det blir vist korleis ulike fagfelt bidrar i areal- og ressursforvaltning, og korleis den enkelte sin fagbakgrunn bidrar i planlegginga av våre omgjevnader. Gjennom prosjektoppgåva arbeidar studenten sjølvstendig eller i gruppe med ein aktuell arealplanleggingssak.

Vurderingsformer

Det blir gitt karakter på to delprøver: ei prosjektoppgåve tel 40 % og ei skriftleg sluttprøve tel 60 % (4 timar) av endeleg eksamenskarakter. Begge delprøvene må vere bestått. For å kunne gå opp til sluttprøva må deltaking ved dei obligatoriske delane vere godkjente.

Det tas forbehold om mindre justeringer i planen.