Læringsmål

Studentane skal få kjennskap til vanlege dyregrupper. Vidare skal dei få ei innsikt i det dynamiske samspelet mellom plante- og dyreartar og dei økologiske tilhøva i naturen. Det blir lagt vekt på forståing av stoffomsetjing, autøkologi, og kjennskap til hovudtrekka i norske økosystem. Studentane skal få ei innføring i teamsamarbeid, litteratursøking, vitskapleg skriftleg framstilling og formidling.

Innhold

Sentrale tema:

· Virvellause dyr og virveldyr: morfologi, vekst, struktur, reproduksjon, systematikk.

· Generell økologi, Atferdsøkologi, Populasjonsøkologi, Samfunnsøkologi

· Gjennomgang av norske økosystem: skog, myr, hav, innsjø, kulturmark, rennande vatn.

· Naturvitskapleg metode: Vitskapleg rapport, skriftleg og munnleg framstilling.

Organisering

32 timar forelesing. 6 timar seminar inkl. presentasjon av semesteroppgåve.
Obligatorisk: 30 timar laboratoriekurs. Det blir gjennomgang av 200 vanlege dyreartar i Noreg. Det vert gjennomført ei individuell zoologisk artsprøve, der kunnskap om pensumartane blir prøvd og der studentane får ha med seg godkjente hjelpemiddel. Det blir 2 dagar med feltkurs: skogstur til bevertjern og/eller beversafari i Bøelva og ”fuglesangtur”. I vårsemesteret skal det leverast ei semesteroppgåve til vurdering og den skal framførast munnleg og alle studentar må delta.

Vurderingsformer

Det blir gitt karakterar på tre delprøver: artsprøva tel 20%, seminaroppgåva tel 30% og skriftleg sluttprøve (3 timar) tel 50% av endeleg eksamenskarakter. Godkjent laboratoriekurs krev deltaking på minst 8 av 10 laboratorieøvingar, og dette er eit krav for å få gå opp til artsprøva. Ein må også delta på minst 1 av 2 ekskursjonar. Alle dei tre delprøvene må vere bestått for å få sluttkarakter i emnet.

Det tas forbehold om mindre justeringer i planen.