Målgruppe og opptakskrav

Studiet rettar seg mot alle som ønskjer ei økonomisk/administrativ utdanning med spesiell vekt på internasjonal marknadsføring. Studiet vil passe godt for alle som ønskjer å arbeide i ulike stillingar i bedrifter som arbeider internasjonalt. Studiet vil vidare passe godt i kombinasjon med andre utdanningar i Noreg og i utlandet.

Opptakskrav til studiet er generell studiekompetanse eller realkompetanse.

Mål for studieprogrammet

Studiet skal gi studentane solide kunnskapar innan bedriftsøkonomi, samfunnsøkonomi, organisasjonsfag, språk og marknadsføring. Spesialiseringsfag vil gi studentane innsikt i marknadsføring i internasjonale omgjevnader, rammevilkår for internasjonal handel og tverrkulturell forståing.

Videre studiemuligheter

Studiet kvalifiserar for vidare studium i inn- og utland.

Studieprogrammets innhold, oppbygging og sammensetning

Studiet er 3-årig. Heile studiet er på 180 studiepoeng fordelt med 30 studiepoeng på kvart semester. Studiet gir tittelen Bachelor i internasjonal marknadsføring.

Studiet er delt opp i emne som til vanleg varer 1 til 2 semester med 3-5 undervisningstimar for veka.

Ekskursjonar med arbeid før og etter er ein viktig del av studiet. Det vil normalt bli gjennomført lokale ekskursjonar og ein lengre utanlandsekskursjon i haustsemesteret i det 3. studieåret. Studentane må rekne med å betale ein eigendel for å vere med på desse ekskursjonane.

Valemne
I studieplanen er det sett opp forslag til valemne, men studentane kan velje valemne fritt innanfor høgskolens studieprogram, sjå og studieplanar for andre studium ved høgskolen. Timeplan og eksamensplan kan avgrense dette valet noko. I nokre samanhengar vil det vere viktig å passe på at ein vel rett valemne med tanke på opptak til andre studium.

Arbeids- og læringsformer

Det vil bli nytta varierte arbeids- og undervisningsformer i emna som inngår i studieplanen, til dømes forelesingar, prosjektarbeid, gruppeoppgåver, individuelle oppgåver og ekskursjonar. Tradisjonelle forelesingsformer kan bli supplerte med aktiv bruk av e-post, internett og databasert modellverkty.

Forholdet mellom teori/praksis

Studiet har ein teoretisk basis, men det vil bli lagt vekt på å nytte mest mogleg praktiske døme i undervisninga. I siste semester i det tredje studieåret vil det vere mogleg å velje mellom ein praktisk variant og ein meir teoretisk variant. Studiar/praksis i dette semesteret kan gå føre seg utanlands.

Vurderingsformer

Kandidatanes kunnskapar innanfor alle emne i studiet skal evaluerast. Aktuelle evalueringsformer går fram av emneomtalene.

Det tas forbehold om mindre justeringer i planen.