Målgruppe og opptakskrav

Målgruppa er søkjarar med studiekompetanse som vil ta ei utdanning som ligg i skjeringspunktet mellom informasjonsteknologi og natur-og miljøvern.

Opptakskrav er generell studiekompetanse/realkompetanse. I tillegg til generell studiekompetanse/realkompetanse er det frå hausten 2005 krav om 2MX eller 2MY eller 3MZ og i tillegg 3MX eller 3FY eller 3KJ eller 3BI.

Mål for studieprogrammet

Studiet gir tverrfagleg utdanning innan natur-, helse- og miljøvernfag med fordjuping innan geografiske informasjonssystem. Ved sida av å formidle kunnskapar, skal studiet utvikle studentane si forståing av forholdet mellom levande organismar og miljøforholda og spesielt menneskets plass i naturen.
Studentane skal lære å bruke det nyaste av utstyr og programvare innanfor IT-basert kartografi og databaseteknologi i høve til natur- og miljøvernområdet. Studentane skal bli operative på GIS og anten kunne ta i bruk eller drive tilrettelegging og utvikling av GIS innan næringsliv, forvaltning eller undervisning.

Videre studiemuligheter

Studiet gir grunnlag for opptak på 2- årig masterstudium i natur-, helse- og miljøvern.

Studieprogrammets innhold, oppbygging og sammensetning

Arbeids- og læringsformer

Studentane blir fulgt opp under heile studieløpet med arbeids- og undervisningsformer som inkluderer felt-og laboratorieundervisning med rapportskriving, prosjekt, seminaroppgåver, gruppe- og seminarundervisning, forelesingar osv. Det er lagt vekt på praktiske prosjekt i læringsprosessen. Dei ulike arbeids- og undervisningsformene er omtalt i dei enkelte emneomtalene.

Gyldig fråvær (sjukemelding) inntil 20% frå ein obligatorisk del av eit emne vil bli akseptert. Ved fråvær større enn 20% vil ikkje studenten få godkjent denne delen av emnet. Studenten vil i så fall ikkje ha krav på fortrinnsrett til plass på felt/labkurset neste gongen det vert sett opp.

Vurderingsformer

I dei fleste emna vil det vere både undervegsvurdering og sluttvurdering.
I mange emne vil seminaroppgåver og liknande vere del av vurderinga. Aktuelle vurderingsformer går fram av emneomtalene.

Det tas forbehold om mindre justeringer i planen.