Målgruppe og opptakskrav

Opptakskrav er generell studiekompetanse. Målgruppe er alle søkjarar som ønskjer seg ein god grunnleggande kompetanse innan engelsk, anten til bruk i undervisning eller i anna arbeid som krev gode engelskkunnskapar.

Mål for studieprogrammet

Studiet gjev ei brei innføring i britisk og amerikansk litteratur og kultur, kunnskap om tilhøva i resten av den engelskspråklege verda, god innsikt i engelsk grammatikk og fonetikk, og i den munnlege bruken av språket. Det vert og lagt vekt på bruken av faget i undervisnings- og formidlingssamanheng. Årsstudiet gjev undervisningskompetanse i engelsk i ungdomsskolen og den vidaregåande skolen.

Videre studiemuligheter

Studiet kan inngå som ein sjølvstendig eining i ein bachelorgrad. Det kan vere grunnlaget for fordjupingsemner (tidlegare mellomfagstillegg) i engelsk og seinare ein del av opptaksgrunnlaget for masterstudium i engelsk. Studiet gir undervisningskompetanse i engelsk i grunnskolen og den vidaregåande skolen.

Studieprogrammets innhold, oppbygging og sammensetning

Studiet er sett saman av seks emne, kvart på 10 studiepoeng. Tre emne blir avslutta i haustsemesteret og dei tre andre i vårsemesteret.

Arbeids- og læringsformer

Arbeids- og undervisningsformene inkluderer både forelesingar, seminar, skriftleg og munnleg prosjektarbeid og innleveringar.
Høgskolen i Telemark samarbeider med andre høgskolar og universitet om Det norske studiesenteret i York. Studentane ved engelsk grunnfag vil få eit obligatorisk opphald i England på to veker. Dette går inn som ein del av opplæringa i praktisk språk, og av studiet innan britisk litteratur og samfunnstilhøve. Studentar som ikkje har høve til å reise, kan søkje om fritak frå deltaking, men vil i staden få ei to-vekers prosjektoppgåve. Prosjektoppgåva vil bli knytt til det emnet i britisk litteratur og kultur som går i vårsemesteret, og oppgåva må vere gokjend for å få ståkarakter i emnet.
Lånekassa kan på visse vilkår gje tilleggslån som dekkjer ein del av utgiftene ved opphaldet. Samla faste utgifter (reise, opphald, kursavgift) vil truleg bli om lag kr. 6.000.

Vurderingsformer

Alle emna vil ha ei blanding av undervegsvurdering og sluttprøver. Ved studiestart vil det bli opplyst kva for prøver/vurderingar som vil vere munnlege og skriftlege.

Det tas forbehold om mindre justeringer i planen.