Målgruppe og opptakskrav

Økonomisk-administrativ utdanning er ei allmenn utdanning som kan brukast i svært mange samanhengar i arbeidslivet. Utdanningstilbodet innnan dette fagområdet er derfor tilrettelagt for ulike målgrupper.

Opptakskrav til studiet er generell studiekompetanse eller realkompetanse.

Mål for studieprogrammet

Studiet er tverrfagleg og yrkesretta og kvalifiserar for ulike jobbar innan næringsliv og forvaltning. Fullført 3-årig bachelorstudium gir graden bachelor i økonomi og administrasjon. Studiet gir og grunnlag for vidare studium på masternivå. Studiet kan avsluttast etter 2 år og gir da tittelen høgskolekandidat i økonomi og administrasjon.

Hovudmålet er at utdanninga skal kvalifisere kandidatane til å utføre administrative funksjonar innanfor det økonomiske og administrative fagfeltet i privat eller offentleg sektor.

Dette målet skal ein nå ved:

• problembasert læring og aktiv bruk av IKT som skal gi kunnskapar om og forståing for alle vesentlege økonomiske og administrative fagområde,
• innsikt i nye økonomiske samanhengar, sentrale avgjerdsproblem, miljøsikring og etikk,
• kvalifisering for vidare studiar i inn- og utland.

Studentar kan ta valemne slik at utdanningskravet til autorisert rekneskapsførar blir oppfylt. Det er og mogleg å tilpasse studieplanen i 2. og 3. studieår for å tilfredsstille det teoretiske kravet til registrert revisor. Sjå 3-årig bachelorstudium i revisjon. Bachelorstudiet gir eit godt grunnlag for vidare studium ved andre institusjonar nasjonalt og internasjonalt.

Videre studiemuligheter

Studiet kvalifiserer for opptak til masterstudium i inn- og utland.

Studieprogrammets innhold, oppbygging og sammensetning

Den 3-årige studiemodellen er delt opp i to einingar på 120+60 = 180 studiepoeng. Dei to første åra tilsvarar det 2-årige studiet i økonomi og administrasjon. Det siste studieåret har studentane fleire alternativ for å fullføre bachelorstudiet i økonomi og administrasjon:

1) Studenten kan velje eitt av påbyggingsstudia: 1-årig påbyggingsstudium i reiseliv, 1-årig påbyggingsstudium i internasjonal marknadsføring eller 1-årig påbyggingsstudium i innovasjon og entreprenørskap.

2) Studenten kan og velje 1-årig påbyggingsstudium i revisjon. For å fullføre bachelorstudiet i revisjon og innfri kravet til registrert revisoreksamen må ein fullføre studiet etter studieplanen for 3-årig bachelorstudium i revisjon.

3) Studenten kan det siste studieåret sette saman valemne (sjå nedanfor) etter sine eigne interesser ut frå studietilbodet ved høgskolen etter ein modell med 30 studiepoeng vidareføring og 30 studiepoeng profilering, tilsaman 60 studiepoeng. Vidareføring er fordjuping/utviding innanfor dei inskilde emneområda frå dei 2 første studieåra. Profileringsemna kan studenten velje ved å sette saman emne frå eit av fagområda som inngår i studiet eller emne frå påbyggingsstudia.

På grunn av timelanlegging og eksamensavvikling må vi ta atterhald om at det kan vere praktiske vanskar i forhold til val av kombinasjonar av emne.

Valemne
I studieplanen er det sett opp forslag til valemne, men studentane kan velje valemne fritt innanfor høgskolens studieprogram, sjå og studieplanar for andre studium ved høgskolen. Timeplan og eksamensplan kan avgrense dette valet noko. I nokre samanhengar vil det vere viktig å passe på at ein vel rett valemne med tanke på opptak til andre studium.

Det blir tatt atterhald om endringar i studieprogrammet.

Arbeids- og læringsformer

Det vil bli nytta varierte arbeids- og undervisningsformer i emna som inngår i studieplanen, til dømes forelesingar, emne/seminar, gruppeoppgåver, individuelle oppgåver og ekskursjonar. Tradisjonelle forelesingsformer kan bli supplerte med aktiv bruk av e-post, internett og databasert modellverkty.

Vurderingsformer

Kandidatanes kunnskapar innanfor alle emne i studiet skal evaluerast. Høgskolen vil nytte varierte evalueringsformer. Aktuelle evalueringsformer går fram av emneomtalene.

Det tas forbehold om mindre justeringer i planen.